कांग्रेस नेता सिटौलाको टिप्पणीः वाम गठबन्धन काग र कोइली जस्तो
<p>बाग्लुङ। नेपाली कांग्रेसका नेता कृष्णप्रसाद सिटौलाले वाम गठबन्धन काग र कोइली जस्तो भएको टिप्पणी गरेका छन्। </p>
<p>बाग्लुङको पश्चिम क्षेत्र निसीखोला गाउँपालिकाको राजकुटमा आज भएको कार्यक्रममा सिटौलाले संघीयता कार्यान्वयन गर्ने नेकपा र संघीयता चाहिंदैन भन्ने पार्टी राष्ट्रिय जनमोर्चाको तालमेलले जनता हसाएको आरोप लगाए।</p>
<p>१४ मंसीरमा बाग्लुङ क्षेत्र नं– २ प्रदेशसभा ‘ख’मा हुन लागेको उपनिर्वाचनलाई लक्षित गरी आयोजना गरिएको सभामा बोल्दै नेता सिटौलाले नेकपाले आफ्ना कार्यकर्ताको मर्म विपरीतको कार्य गरेको भन्दै कांग्रेसले खबरदारी गर्ने बताए।</p>
<p>चुनावी अभियानका लागि कांग्रेस सभापति शेरबहादुर देउवा र नेता गगन थापा पनि बाग्लुङ पुग्ने कार्यक्रम रहेको बाग्लुङ कांग्रेसले जनाएको छ।<em> रासस</em></p>
प्रतिक्रिया दिनुहोस्
.jpg)
