सेना मृत्यु प्रकरण: प्रहरी जवान ढकाललाई पाँच दिन हिरासतमा राखिने
<p>चितवन। नेपाली सेना मृत्यु प्रकरणमा मुछिएका प्रहरी जवान ठाकुर ढकाललाई जिल्ला अदालत चितवनले आज पाँच दिनका लागि म्याद थप गरेको छ।</p>
<p>जिल्ला प्रहरी कार्यालयका प्रमुख दानबहादुर मल्लका अनुसार ढकाललाई आज थप अनुसन्धानका लागि पाँच दिन समय थप गरिएको हो।</p>
<p>मृतक राम कँडेलका परिवारको किटानी जाहेरीका आधारमा उनलाई प्रहरीले नियन्त्रणमा लिएको थियो।</p>
<p>प्रहरीले अनुसन्धानलाई असहज हुने भन्दै मुद्दा प्रक्रिया टुङ्गो नलागेसम्म निलम्बन गरी जिल्ला सरकारी वकील कार्यालयमार्फत् जिल्ला अदालतबाट पाँच दिनका लागि समय थप गरिएको हो।</p>
<p>ढकालविरुद्ध मृतक कँडेलका परिवारले हत्याको अभियोगमा १ मंसीरमा उजुरी दर्ता गराएको थियो।</p>
<p>ईच्छाकामना गाउँपालिका–३, फिस्लिङमा रहेको अस्थायी प्रहरी चौकीबाट हामफालेर मृत्यु भएका भनिएका नेपाली सेनाका जवान कँडेलका परिवारको किटानी जाहेरीका आधारमा उनलाई नियन्त्रणमा लिइएको थियो।</p>
<p>ईच्छकामना–५ का २८ वर्षीय कँडेल फिस्लिङमा रहेको अस्थायी प्रहरी चौकीमा राखिएकाे समयमा हिजाे बिहान बरण्डाबाट हामफालेर घाइते भई उपचारका क्रममा मृत्यु भएको प्रहरीले जनाएको छ।</p>
<p>कँडेल नेपालीको बर्दबहादुर गणमा कार्यरत जवान हुन्।</p>
<p>उनको हत्या भएको भन्दै परिवार स्थानीयवासीले हिजो र आज पृथ्वी राजमार्ग बन्द गराएका थिए।</p>
<p>घटना शङ्कास्पद भएपछि उनको शव परीक्षणका लागि काठमाडौंं लगिएको छ। <em>रासस</em></p>
प्रतिक्रिया दिनुहोस्
.jpg)
