कारागारबाटसमेत पूर्वमन्त्री आलमको धम्की
<p>काठमाडौं। कर्तव्य ज्यान मुद्दामा नख्खु कारागारमा रहेका पूर्वमन्त्री मोहम्मद आफताब आलमले रौतहट कारागार जान चलखेल थालेका छन्। </p>
<p>आफूलाई जबर्जस्ती नख्खु कारागार ल्याइएको भन्दै आलमले रौतहट स्थानान्तरणका लागि कांग्रेस नेता रामचन्द्र गिरीलाई परिचालन गरेका छन्। </p>
<p>गिरीले १ मंसीर दिउँसो नख्खु कारागार पुगेर आलमसँग भेट गरेका थिए। </p>
<p>भेटपछि आलमले कारागार स्थानान्तरणका लागि हिन्दीमा लेखेको मागपत्र कारागार प्रशासनलाई बुझाएका छन्। उक्ता मागपत्र कारागार प्रशासनले कारागार व्यवस्थापन विभागमा पठाएको छ। </p>
<p>स्थानान्तर(णका लागि आलमको माग आफ्ना समर्थक भड्काएर मुद्दा प्रभावित बनाउने खेलअनुसार आएको हुन सक्ने सुरक्षा निकायको विश्लेषण छ। मागपत्रमा रौतहटका प्रहरीप्रति टिप्पणी गर्दै आलमले उनीहरूलाई राम्रो नहुने चेतावनी दिएका छन्। </p>
<p>‘वो एसपी (भूपेन्द्र खत्री, रौतहट) ने मेरे साथ गलत किया, उसका भी बुरा होगा’, आलमले लेखेको आजको <em>कान्तिपुर दैनिक</em>मा समाचार छ। </p>
<p>प्रहरीले आलमलाई भेट्न आउनेमाथि विशेष निगरानी राखेको छ।</p>
<p>नख्खु कारागार आफ्ना लागि सहज नभएको उल्लेख गर्दै आलमले आफन्त र नातेदारबाहेक अरुलाई भेट्न नदिइएकोप्रति पनि असन्तुष्टि जनाएका छन्। </p>
<p>‘मेरा सारा दोस्त मेरा रिस्तेदार है’, उनले लेखेका छन्, ‘यहाँ (रौतहट) सुरक्षा दिन सकिँदैन भनेर रातारात कारागार स्थानान्तरण (नख्खु) गरियो, सुरक्षा दिने काम प्रशासनको हो न कि स्थानान्तरण।</p>
प्रतिक्रिया दिनुहोस्
.jpg)
