गाउँपालिकाले बीमा गरिदिएपछि सिन्धुपाल्चोकका चौंरी किसान उत्साहित
<p>सिन्धुपाल्चोक। हेलम्बु गाउँपालिकाले आफ्नो क्षेत्रमा रहेका चौँरीको बीमा गरेको छ। </p>
<p>गाउँपालिकाभित्रका फिरन्ते चौँरी गोठलाई लक्षित गर्दै खर्क र गोठमा पालिएका सबै चौँरीको निःशुल्क बीमा योजना गरिएको हो।</p>
<p>गाउँपालिकाको यो निर्णयबाट चौँरीपालक किसान उत्साहित भएका छन् ।</p>
<p>स्थानीय पेम्बा शेर्पाले बीमाले चौँरी मर्दा हुने जोखिम कम हुने भएपछि खुशी भएको बताए। </p>
<p>सरकार र किसानको संयुक्त लगानीमा पशु बीमाअन्तर्गत किसानले तिर्नुपर्ने बीमांक उपलब्ध गराउनुपर्ने छ। </p>
<p>७५ प्रतिशत सरकारी अनुदान र २५ प्रतिशत किसान स्वयंको लगानीमा बीमा कार्यक्रम आधारित छ।</p>
<p>तर, गाउँपालिकाले किसानलाई चौँरीपालनमा सक्रिय बनाउन उक्त २५ प्रतिशत आफैँ तिर्ने भएपछि किसानलाई निःशुल्क चौँरी बीमाको अवसर मिलेको हो।</p>
<p>गाउँपालिकाको निर्णयअनुसार हाल १६ गोठमा रहेका चार सय बढी चौँरीको निःशुल्क बीमा गरिएको छ। </p>
<p>एक लाख रुपैयाँ बढी मूल्य पर्ने चौँरी मर्दा किसानले व्यहोर्नुपर्ने घाटाबाट बीमा कार्यक्रमले मुक्ति मिलेको छ। </p>
<p>चौँरी पकेट क्षेत्र बनाई किसानलाई व्यावसायिक पशुपालक बनाउन बीमा कार्यक्रम निःशुल्क बनाइएको गाउँपालिकाका अध्यक्ष निमा ग्याल्जेन शेर्पाले बताए। </p>
प्रतिक्रिया दिनुहोस्
.jpg)
