चन्द समूहका नेता कृष्ण धमलाले पार्टी छाडे
<p>काठमाडौं। सरकारबाट प्रतिबन्धित नेत्रविक्रम चन्द समूहका नेता कृष्ण धमलाले पार्टी परित्याग गरेका छन्।</p>
<p>आज एक विज्ञप्ति जारी गर्दै धमलाले चन्द नेतृत्वको नेकपाले लिएको पछिल्लो नीतिप्रति आफू सहमत हुन नसकेको नसकेर पार्टी परित्याग गरेको जानकारी दिएका छन्। </p>
<p>“म विगत लामो समयदेखि नेपाल कम्युनिष्ट पार्टीको महत्वपूर्ण जिम्मेवारीमा रही क्रान्तिकारी आन्दोलन र वर्ग संघर्षको मोर्चामा नेतृत्व गर्दै आइरहेको पार्टीको पछिल्लो योजना र समग्र विषयमा सहमत हुन सकिनँ”, उनले विज्ञप्तिमा छनेका छन्। </p>
<p>धमलाले आजैका मितिदेखि आफू स्वतन्त्र वामपन्थीको रूपमा क्रियाशील हुने पनि उल्लेख गरेका छन्। “सांगठनिक रूपमा म उक्त पार्टीमा नरहने घोषणा गर्दै राष्ट्रियता, जनतन्त्र र जनजीवीकाको आन्दोलनमा निरन्तर लागिरहने प्रतिवद्धा व्यक्त गर्दै आजैका मितिदेखि नेपाल कम्युनिष्ट पार्टीलाई परित्याग गरेर स्वतन्त्र वामपन्थीको रूपमा क्रियाशील रहनेछु।”</p>
<p>चन्द नेतृत्वको नेकपाको पोटिब्यूरोसम्म पुगेका धमला केही समय पहिले घटुवामा परेका थिए। काठमाडौंमा घर किनेको भन्दै चन्द समूहले उनलाई घटुवा गरेको थियो। त्यसयता उनी निष्कृय बनेका थिए। <br />
धमला पुष्पकमल दाहाल नेतृत्वको माओवादीमा हुँदा सुर्खेत जिल्ला इञ्चार्ज, भेरी–कर्णाली सदस्य तथा केन्द्रीय आयोजक समिति सदस्यको जिम्मेवारीमा थिए।</p>
<p>उनी चन्द समूहमा स्थापना कालदेखि नै सक्रिय बनेका थिए। </p>
<p style="text-align:center"><img alt="" height="698" src="https://www.dekhapadhi.com/storage/photos/shares/Politics/Krishna-Dhamala.jpg" width="843" /></p>
<p> </p>
प्रतिक्रिया दिनुहोस्
.jpg)
