फिफा विश्वकप छनोटः नेपाल कुवेतसँग १-० ले पराजित
<p>काठमाडौं। फिफा विश्वकप २०२२ र एएफसी एशियन कप चाइना २०२३ को संयुक्त छनोट खेल अन्तर्गत् आज भुटानमा भएको समूह चरणको खेलमा नेपाल कुवेतसँग पराजित भएको छ। </p>
<p>भुटानको थिम्पुस्थित चाङ्लिमिथाङ स्टेडियममा भएको खेलमा नेपालले १-० को हार व्यहोरेको हो। </p>
<p>यसअघि नेपाल कुवेतसँग उसको घरेलु मैदानमा भएको खेलमा नेपाल ७-० ले पराजित भएको थियो। </p>
<p>आज भुटानमा भएको खेल यसअघि नेपालमा हुने तय भएको थियो। तर, भूकम्पमा क्षतिग्रस्त दशरथ रंगशाला तयार नभएपछि यो खेल न्युट्रल भेन्यूका रूपमा भुटानमा तय भएको हो। </p>
<p>समूह चरणमा चाइनिज ताइपेईलाई २-० ले हराएको नेपाल अष्ट्रेलियासँग ५-० र जोर्डनसँग ३-० ले पराजित भएको थियो।</p>
<p>५ टोली सम्मिलित सूमहमा नेपाल चौंथो स्थानमा छ। नेपालभन्दा पछि कुनै अंक नजोडेको चाइनिज ताइपेई मात्र छ।</p>
प्रतिक्रिया दिनुहोस्
.jpg)
