दक्षिण एशियाको आर्थिक वृद्धि २.५ प्रतिशतले घट्ने
<p>कामठाडौं। विश्व बैंकले दक्षिण एशियाको आर्थिक वृद्धिदर २ दशमलव ५ प्रतिशतले घट्ने प्रक्षेपण गरेको छ।</p>
<p>दक्षिण एशियाको आर्थिक वृद्धिदर केही घटे पनि त्यसले नेपालको आर्थिक वृद्धिदरमा भने कुनै फरक नपार्ने बैंकले आज काठमाडौंमा सार्वजनिक गरेको प्रतिवेदनमा उल्लेख गरिएको छ। </p>
<p>विप्रेषणलगायतका कारण नेपालको आर्थिक वृद्धिदर भने चालु आर्थिक वर्षभित्र ७ दशमलव १ प्रतिशत पुग्न कुनै समस्या नरहेको विश्व बैंकको अध्ययन प्रतिवेदनले देखाएको अर्थविद् विश्व पौडेलले जानकारी दिए।</p>
<p>विश्व बैंकले नेपालको आर्थिक वृद्धिदरलाई निरन्तरता दिन उद्योग स्थापनामा जोड दिनुपर्ने र कर असुलीलगायतका अधिकार स्थानीय तहलाई दिन उपयुक्त हुने सुझाव पनि दिएको छ। </p>
<p>बजारका अवरोध हटाउने तर, स्थानीय तहले नै कर उठाउने लगायतका काम गर्दा नेपालको आर्थिक वृद्धिदर झनै बढेर जाने विश्व बैंकको निष्कर्ष रहेको पनि अर्थविद् पौडेलले बताए।</p>
<p>प्रतिवेदनमा उत्पादन घटेका कारण दक्षिण एशियामा भने आर्थिक वृद्धिदर केही घट्न गएको पनि स्पष्ट पारिएको छ।</p>
<p> </p>
<p> </p>
प्रतिक्रिया दिनुहोस्
.jpg)
