Others

गृहपृष्ठ

अमलखेगञ्जबाट विराटनगर जाँदै गरेको ट्यांकर ‘गायब’ काठमाडौं। बाराको अमलखेगञ्ज डिपोबाट तेल भरेर विराटनगरका लागि छुटेको ट्यांकर ‘गायब’मा पारिएको छ।  अमलेखगञ्जबाट तेल लिएर गरेको ना४ख ४१६३ नम्बरको ट्यांकर सिरहाको लहानबाट २ मंसीर राति ‘गायब’ पारिएको हो।  ट्यांकर ‘अपहरण’ गरिएको आशंका गरिएको छ। ट्यांकर चालक रामदेव यादव र सहचालक उमेश यादव प्रहरी सम्पर्कमा आएका छन्। उनीहरूलाई प्रहरीले कार्यालयमा बोलाएको छ। उनीहरू उपस्थित हुँदैछन्। तर, गायब पारिएको ट्यांकर भने भेटिएको छैन।  गायब पारिएको ट्यांकरको खोजी तीब्र पारिएको र सबै नाकामा कडाई गरिएको जिल्ला प्रहरी कार्यालय सिरहाका प्रहरी निरीक्षक उमाशंकर यादवले  देखापढीलाई जानकारी दिए।  यस विषयमा प्रहरीले थप अनुसन्धान थालेको छ।