अध्यागमन 'सेटिङ' तोड्दै गृह
<p>काठमाडौं। अध्यागमनबाट हुने मानव तस्करीको सेटिङ तोड्न गृह मन्त्रालयले नयाँ मापदण्ड ल्याएको छ। </p>
<p>त्रिभुवन अन्तर्राष्ट्रिय विमानस्थलस्थित अध्यागमन कार्यालयका कर्मचारी नै संगठित रूपमा तस्करीमा संलग्न पाइएपछि त्यस्ता गतिविधि रोक्न मन्त्रालय सक्रिय भएको हो। </p>
<p>अध्यागमनबाट यात्रु फर्किएको गुनासो बढेपछि मन्त्रालयले आवश्यक कागजपत्रवाहकलाई नरोक्न निर्देश गरेको छ।</p>
<p>मन्त्रीस्तरीय निर्णय गर्दै गृहमन्त्री रामबहादुर थापाले आवश्यक कागजपत्रसहित आउने यात्रुलाई नरोक्न अध्यागमलाई निर्देशन दिएका हुन्। </p>
<p>पर्यटक प्रवेशाज्ञा (भिसा) वाहक नेपालीलाई कर्मचारीले अनेक बहानामा रोक्दै आएको आजको अन्नपूर्ण पोष्टमा समाचार छ। </p>
<p>यात्रुले आवश्यक कागजपत्र देखाउँदा पनि ‘शंकास्पद यात्रा’ को संज्ञा दिँदै उनीहरूले रोक्ने गरेका थिए।</p>
<p>फर्काइएकाहरूसँग चर्को पैसा असुल गरी प्रस्थान अनुमति दिने गरिएको थियो।</p>
<p>अध्यागमन डेस्क अधिकृतले तजबिजी अधिकार प्रयोग गरी हचुवाको भरमा यात्रुलाई फर्काएको मन्त्रालयको ठहर छ। </p>
<p>तोकिएको कागजपत्र लिएर आउने जो कोही यात्रु अब गन्तव्य मुलुक जान सक्ने अध्यागमन विभागका महानिर्देशक ईश्वरराज पौडेलले बताए। </p>
प्रतिक्रिया दिनुहोस्
.jpg)
