७५ प्रतिशत छात्रवृत्ति माग गर्दे सार्वजनिक मेडिकल कलेजविरुद्ध सर्वाेच्चमा मुद्दा
<p>काठमाडौं। चिकित्सा शिक्षा ऐनले व्यवस्था गरेअनुसार सार्वजनिक मेडिकल कलेजमा ७५ प्रतिशत छात्रवृत्ति दिनुपर्ने माग गर्दै सर्वोच्च अदालतमा रिट परेको छ। </p>
<p>विश्वविद्यालय, मेडिकल कलेजहरू, राष्ट्रिय चिकित्सा शिक्षा आयोग र शिक्षा मन्त्रालयलाई विपक्षी बनाएर विद्यार्थीले ३ मंसीरमा रिट दायर गरेका हुन्। </p>
<p>मोहम्मद नसिरले आर्मी मेडिकल कलेज, काठमाडौं युनिभर्सिटि स्कूल अफ मेडिकल साइन्सेस, काठमाडौं विश्वविद्यालयका विस्तारित कार्यक्रम देवदह र विराट मेडिकल कलेज, त्रिभुवन विश्वविद्यालयको चिकित्साशास्त्र अध्ययन संस्थान, राष्ट्रिय चिकित्सा शिक्षा आयोग र शिक्षा मन्त्रालयलाई विपक्षी बनाएर मुद्दा दायर गरेको आजको नयाँ पत्रिकामा समाचार छापिएको छ। </p>
<p>३ मंसीरमा दर्ता भएको सो मुद्दाको पेसी सर्वोच्चले आज एक नम्बरमा तोकेको छ। </p>
<p>चिकित्सा शिक्षा ऐन कार्यान्वयनमा आइसकेकाले ऐनले व्यवस्था गरेको ७५ प्रतिशत छात्रवृत्ति सबै मेडिकल कलेजले कार्यान्वयन गर्नुपर्ने माग नसिरको छ।</p>
<p>ऐनको दफा १७ को उपदफा ७ मा भनिएको छ, ‘सार्वजनिक शिक्षण संस्थाले स्नातक तहको कार्यक्रममा उपलब्ध सिट संख्याको कम्तीमा ७५ प्रतिशत सिट निःशुल्क छात्रवृत्तिका व्यवस्था गर्नुपर्नेछ र आयोगको परामर्शमा त्यस्तो सिट क्रमशः वृद्धि गर्दै लैजान सकिनेछ।’<br />
</p>
प्रतिक्रिया दिनुहोस्
.jpg)
