‘गायब’ पारिएको आयल निगमको ट्यांकर धनुषामा भेटियो
<p>काठमाडौं। सिरहाको लहानबाट २ मंसीर राति 'गायब' पारिएको डिजेल बोकेको ट्यांकर गयराति धनुषाको सपही मैनानगरमा फेला परेको छ। </p>
<p>मैनानगरको प्रहरी टोलीले सपहीबाट ट्यांकर फेला पारेको जिल्ला प्रहरी कार्यालय, सिरहाका डीएसपी अपिलराज बोहराले बताए।</p>
<p>उनका अनुसार ट्याकंर डिजेल खन्याएर रित्तो पारिएको अवस्था फेला परेको छ।</p>
<p>तर, ट्यांकर 'गायब' पार्ने समूहको पहिचान भएको छैन।</p>
<p>बाराको अमलखेगञ्ज डिपोबाट तेल भरेर गएको ना ४ ख ४१६३ नम्बरको ट्यांकर सिरहाको लहानबाट ‘गायब’ पारिएको थियो। </p>
<p>ट्यांकर अपहरण गरिएको ट्यांकर चालक रामदेव यादव र सहचालक उमेश यादवले बताएको प्रहरीले जनाएको छ।</p>
<p>"उनीहरुलाई नियन्त्रणमा लिएर थप अनुसन्धान गरिरहेका छौं", डीएसपी बोहराले <em>देखापढी</em>सँग भने।</p>
प्रतिक्रिया दिनुहोस्
.jpg)
