बैतडीको पञ्चेश्वर गाउँपालिकाका वडाध्यक्ष मृत भेटिए
<p>कैलाली। बैतडीको पञ्चेश्वर गाउँपालिका ४ का वडा अध्यक्ष राजबहादुर चन्द मृत अवस्थामा फेला परेका छन्। </p>
<p>सोही वडाको सैलोडामा रहेको कैलपाल मन्दिरमा लाग्ने मेला हेरेर घर फर्किने क्रममा बाटोमै मृत्यु भएको बताइएको छ। </p>
<p>जिल्ला प्रहरी कार्यालय बैतडी प्रमुख प्रहरी नायब उपरीक्षक (डीएसपी) डिल्ली नारायण पाण्डेयले घटना भएको पुष्टी गर्दै घटनास्थल सदरमुकामबाट गाडीमा ४ घण्टाको दूरीमा रहेका कारण जिल्लाबाट खटाइएको टोली घटनास्थल पुगि नसकेको जानकारी दिए। </p>
<p>उनले त्यहीं रहेको प्रहरीले घटनास्थललाई सुरक्षित राखेको समेत बताए।</p>
<p>घटना के कति कारणले भएको हो यसै भन्न नसकिने भन्दै डीएसपी पाण्डेयले जिल्लाबाट गएको टोलीले अनुसन्धान गरेपछि मात्रै घटनाको यथार्थ विवरण बताउन सकिने <em>देखापढी</em>लाई जानकारी दिए।</p>
प्रतिक्रिया दिनुहोस्
.jpg)
