नेकपा सचिवालय बैठक जारी
<p>काठमाडौं। नेपाल कम्युनिष्ट पार्टी (नेकपा) को सचिवालय बैठक प्रधानमन्त्री निवास बालुवाटारमा बसिरहेको छ। </p>
<p>आज बिहान ९ बजेको लागि तय गरिएको सचिवालय बैठक केही तयारी बाँकी रहेको भन्दै पछि सारिएको थियो।</p>
<p>नेकपा सचिवालय बैठक १२ः५० बजेबाट शुरू भएको छ।</p>
<p>नेकपाका प्रवक्ता नारायणकाजी श्रेष्ठले <em>देखापढी</em>सँग भने, "प्रधानमन्त्रीले बैठकमा मन्त्री फेरबदलको विषय जानकारी गराउन सक्नुहुन्छ।"</p>
<p>प्रधानमन्त्री केपी शर्मा ओलीले ३ मंसीरको मन्त्रिपरिषद् बैठकमा मन्त्रिपरिषद् पुनर्गठन गर्न लागेको जानकारी गराएका थिए।</p>
<p>नयाँ मन्त्रीहरुको सपथ आजै हुन सक्ने भएकाले राष्ट्रपति विद्यादेवी भण्डारीसँग त्यसबारे परामर्श गर्न प्रधानमन्त्री ओली र नेकपा अध्यक्ष दाहाल शीतलनिवास गएका थिए। </p>
<p>दुवै नेता शीतल निवासबाट फर्किएलगत्तै नेकपा सचिवालय बैठक बसेको हो।</p>
<p>मन्त्रिपरिषद पुनर्गठनबारे आज बिहान करीब एक घण्टा प्रधानमन्त्री केपी शर्मा ओली र नेपाल कम्युनिष्ट पार्टी (नेकपा) का अध्यक्ष पुष्पकमल दाहालबीच ‘वान अन वान’ छलफल भएको थियो। </p>
प्रतिक्रिया दिनुहोस्
.jpg)
