टर्कीमा ४० अवैध आप्रवासीकाे उद्धार
<p>टर्की। टर्कीको एजियन तटीय क्षेत्रमा कम्तीमा ४० जना गैरकानूनी आप्रवासीको उद्धार गरिएको टर्कीको राष्ट्रिय रक्षा मन्त्रालयले जानकारी दिएको छ।</p>
<p>टर्कीको उत्तरपश्चिमी प्रान्त बालिकेसिरमा अवैध आप्रवासीहरू बोकेको एउटा डुंगा दुर्घटना भएको थियो।</p>
<p>तटीय सुरक्षाकर्मीहरूले ४० जना गैरकानुनी आप्रवासीहरूलाई बचाएको बताइएको छ।</p>
<p>उद्धार अभियान शुरु हुनुअघि समुद्रमा आप्रवासीहरूले भरिएको सानो डुंगा देखिएको मन्त्रालयले जारी गरेको फोटोमा देखाइएको थियो।</p>
<p>एजियन सागर हुँदै युरोप जाने प्रवासीहरूको लागिका लागि टर्की मुख्य मार्ग भएको छ।</p>
<p>सन् २०१६ को मार्चमा टर्की र युरोपियन युनियनबीच हस्ताक्षर गरिएको सम्झौताले अवैध आप्रवासको प्रवाहलाई रोक्ने भनिएको थियो।</p>
<p>यस वर्षदेखि अहिलेसम्म कूल ५४ हजार ३८७ जनाले टर्की हुँदै ग्रीस पुग्ने कोसिस गरेका छन्। <em>(रासस/सिन्ह्वा)</em></p>
प्रतिक्रिया दिनुहोस्
.jpg)
