तनहुँमा फेरि अर्को चितुवा मर्यो
<p>तनहुँ। तनहुँको ब्यास–१ मा एउटा भाले चितुवा मृत अवस्थामा भेटिएको छ।</p>
<p>ब्यास नगरपालिकाको मुसेखोलामा आज बिहान ढाड भाँचिएको अवस्थामा चितुवा मृत अवस्थामा भेटिएको हो।</p>
<p>जिल्ला वन कार्यालय चितवनका प्रमुख केदार बरालले अन्दाजी ८ वर्षको ३५ किलाेको चितुवा मरेको भेटिएको <em>देखापढी</em>लाई बताए।</p>
<p>राजमार्गदेखि ५० मिटर तलपट्टि ढाड भाँचिएको अवस्थामा तर, अन्य घाउ चोट नलागेको उनले बताए।</p>
<p>“छेउमा वान्ता गरेको जस्तो पनि देखिएको छ”, उनले भने।</p>
<p>२ मंसीरमा पनि ब्यासमा चितुवाको भाले बच्चो मृत अवस्थामा भेटिएको थियो।</p>
<p>ब्यासको जनकल्याण सामुदायिक वनभित्र दुई वर्ष जतिको करीब १० किलाे तौल भएको बच्चाको पेट चिथोरिएको अवस्थामा भेटिएको थियो।</p>
<p>पेटको भित्री अंगहरू बाहिर निकालिएको अवस्थामा भेटिएको हुँदा अर्को ठूलो भाले चितुवाले आक्रमण गरी मारेको हुन सक्ने वन कार्यालय प्रमुख बरालले जानकारी दिए।</p>
प्रतिक्रिया दिनुहोस्
.jpg)
