संविधान दिवसको अवसरमा संसारकै अग्लो भवनमा नेपाली झण्डा फहराइँदै
<p>हजारौँ नेपालीको उपस्थितिमा यूएई सरकारले संसारकै अग्लो भवन बुर्ज खालिफामा नेपाली झण्डा फहराउँदै छ।</p>
<p>नेपालको पाँचाैं संविधान दिवस एवम् राष्ट्रिय दिवसको अवसर पारेर यूएई सरकारले बुर्ज खालिफामा नेपाली झण्डा फहराउन लागेको यूएईस्थित नेपाली राजदूत कृष्णप्रसाद ढकालले देखापढीलाई जानकारी दिए।</p>
<p>यूएईको स्थानीय समय अनुसार आज राति ९:१० बजे (नेपाली समय अनुसार १०:५५ बजे) झण्डा फहराउन थालिएको हो । </p>
<p>देखापढीसँग संक्षिप्त कुरा गर्दै राजदूत ढकालले नेपाल र नेपालीका लागि गैरवको क्षण भएको बताए ।</p>
<p>उनले भने, ‘‘अहिले दुबईस्थित बुर्ज खालिफा भवनअघि हजारौँ नेपाली उपस्थित भएका छन् । नेपालको संविधान दिवसको अवसर पारेर यूएई सरकारले नेपाल र नेपालीलाई दिएको यो ठूलो सम्मान हो ।’’</p>
प्रतिक्रिया दिनुहोस्
.jpg)
