मन्त्रिपरिषद् पुनर्गठन भोलि हुने
<p>काठमाडौं। आज हुने भनिएको मन्त्रिपरिषद् पुनर्गठन अब भोलि, ५ मंसीरमा मात्र हुने भएको छ। </p>
<p>प्रधानमन्त्री केपी शर्मा ओलीको व्यस्ताका कारण आज मन्त्रिपरिषद् हेरफेर हुन नसकेको उनका प्रेस सल्लाहकार सूर्य थापाले <em>देखापढी</em>लाई बताए।</p>
<p>“आज पार्टीको महत्वपूर्ण बैठक र पूर्वनिर्धारित अर्काे कार्यक्रम समेत भएकाले समय व्यवस्थापन हुन सकेन”, थापाले भने, “अब भोलि (मन्त्रिपरिषद् पुनर्गठन) हुन्छ।”</p>
<p>यसअघि आज बिहान मन्त्रिपरिषद् पुनर्गठनका विषयमा नेकपाका अध्यक्ष समेत रहेका ओली र अर्का अध्यक्ष पुष्पकमल दाहालबीच छलफल भएको थियो।</p>
<p>छलफलपछि दुवै अध्यक्ष राष्ट्रपति <a href="https://www.dekhapadhi.com/news/2560" target="_blank"><span style="color:#c0392b">विद्यादेवी भण्डारीलाई भेट्न</span></a> शीतलनिवास पुगेका थिए। </p>
<p>शीतलनिवासबाट अध्यक्षद्वय फर्केपछि नेकपाको सचिवालय बैठक बसेको थियो।</p>
<p>सचिवालय बैठकले <a href="https://www.dekhapadhi.com/news/2575" target="_blank"><span style="color:#c0392b">ओलीलाई बाँकी कार्यकाल पनि प्रधानमन्त्रीमा निरन्तरता दिने</span></a> र दाहाललाई नेकपाको कार्यकारी अध्यक्ष बनाउने निर्णय गरेको थियो। <br />
<br />
<br />
</p>
प्रतिक्रिया दिनुहोस्
.jpg)
