प्रधानमन्त्री ओलीद्वारा मन्त्रिपरिषद् पुनर्गठन, यी हुन् नयाँ मन्त्री (सूचीसहित)
<p style="text-align: justify;">काठमाडौं। प्रधानमन्त्री केपी शर्मा ओलीले मन्त्रिपरिषद् पुनर्गठन गरेका छन्। </p>
<p style="text-align: justify;">नयाँ मन्त्रीहरूलाई भोलि राष्ट्रपति विद्यादेवी भण्डारीको उपस्थितिमा प्रधानमन्त्री ओलीले राष्ट्रपति भवन शीतलनिवासमा पद तथा गोपनियताको शपथ गराउनेछन्। आज अबेर मन्त्री नियुक्त गरिएकाले शपथको समय भने तय भएको छैन। </p>
<p style="text-align: justify;">प्रधानमन्त्री ओलीले केही मन्त्रीलाई जिम्मेवारीबाट हटाएर नयाँ मन्त्री नियुक्त गरेका छन् भने केही मन्त्रीको जिम्मेवारी हेरफेर भएको छ। </p>
<p style="text-align: justify;">प्रधानमन्त्री ओलीले मन्त्रिपरिषद् हेरफेरको सूची आज राति नै राष्ट्रपति कार्यालय पठाएका छन्। </p>
<p style="text-align: justify;">सूची अनुसार भौतिक पूर्वाधार तथा यातायातमन्त्री रघुवीर महासेठ, संघीय मामिला तथा स्थानीय विकास मन्त्री लालबाबु पण्डित, महिला, बालबालिका तथा ज्येष्ठ नागरिक मन्त्री थममाया थापा, कृषिमन्त्री चक्रपाणि खनाल र उद्योगमन्त्री मातृका यादव मन्त्रीबाट हटाइएका छन्। </p>
<p style="text-align: justify;">उनीहरूको ठाउँमा क्रमशः बसन्त नेम्वाङ, हृदयश त्रिपाठी, पार्वत गुरुङ, घनश्याम भुषाल र लेखराज भट्ट नियुक्त भएका छन्। </p>
<p style="text-align: justify;">स्वास्थ्यमन्त्री उपेन्द्र यादवलाई कानून मन्त्री बनाइएको छ भने कानूनमन्त्री भानुभक्त ढकाल स्वास्थ्यमन्त्री बनाइएको छ। </p>
<p style="text-align: justify;">श्रम, रोजगार तथा सामाजिक सुरक्षामन्त्री गोकर्ण विष्टलाई हटाएर प्रधानमन्त्री ओलीले रामेश्वर रायलाई मन्त्री नियुक्त गरेका छन्।</p>
<p style="text-align: justify;">त्यसैगरी, मोती दुगडलाई उद्योग तथा वाणिज्य राज्यमन्त्री, रामबीर मानन्धरलाई सहरी विकास राज्यमन्त्री, नवराज रावतलाई स्वास्थ्य राज्यमन्त्री बनाइएको छ। </p>
<p style="text-align: justify;">राष्ट्रपति कार्यालयले अबेर राति मन्त्रिपरिषद् पुनर्गठन र मन्त्रीहरूको जिम्मेवारी हेरफेरको सूचना सार्वजनिक गरेको छ।</p>
<p style="text-align: justify;"><strong>यस्तो छ मन्त्रिपरिषद्को नयाँ कार्यविभाजन:</strong></p>
<div aria-label=" image widget" contenteditable="false" role="region" tabindex="-1">
<p data-widget="image" style="text-align:center"><img alt="" height="1156" src="https://www.dekhapadhi.com/storage/photos/shares/Politics/Mantri-list-1.jpg" width="840" /></p>
</div>
<div aria-label=" image widget" contenteditable="false" role="region" tabindex="-1">
<p data-widget="image" style="text-align:center"><img alt="" height="1156" src="https://www.dekhapadhi.com/storage/photos/shares/Politics/Mantri-list-2.jpg" width="840" /></p>
</div>
<div aria-label=" image widget" contenteditable="false" role="region" tabindex="-1"> </div>
<p style="text-align: justify;"><strong>पढ्नुहाेस्</strong></p>
<p style="text-align: justify;"><strong><a href="https://www.dekhapadhi.com/news/2585" target="_blank">मन्त्रिपरिषद् पुनर्गठन आजै हुने, शपथ भोलि</a></strong></p>
<p style="text-align: justify;"> </p>
<p style="text-align: justify;"><br />
</p>
प्रतिक्रिया दिनुहोस्
.jpg)
