डाेटीमा एक हजारको नक्कली नोट फेला
<p>डाेटी। सुदूरपश्चिम प्रदेशको पहाडी जिल्ला डोटीमा एक हजार रूपैयाँको नक्कली नोट फेला परेको छ।</p>
<p>दिपायलस्थित एनसिसी बैंकमा एकजना ग्राहकले आफ्नो खातामा रकम जम्मा गर्न ल्याउँदा एक हजारका दुईवटा नक्कली नोट फेला परेको हो।</p>
<p>बैंक कर्मचारी अनिल शाहीले बैंकमा ३५ हजार रूपैयाँ जम्मा गर्न आएका एकजना ग्राहकको रकममा एक हजार दरका ती दुई नक्कली नोट फेला परेको बताए। </p>
<p>अन्य रुपैयाँभन्दा उक्त रूपैयाँको कागज फरक खालको तथा फोटोकपी कागजजस्तै भएकाले नक्कली नोट सजिलै चिनिएको शाहीको भनाइ छ।</p>
<p>डोटीका प्रमुख जिल्ला अधिकारी टेकनारायण पौडेलले डोटीमा कहाँबाट नक्कली नोट आए सो विषयमा अनुसन्धान गरिने बताए। </p>
<p>डोटीमा नक्कली रुपैयाँ भेटिएको यो पहिलो पटक हो। <em>रासस</em></p>
प्रतिक्रिया दिनुहोस्
.jpg)
