नेपाल भित्रने रेमिट्यान्समा खाडी मुलुकबाट धेरै
<p>काठमाडौं। नेपाल भित्रने रेमिट्यान्समा खाडी मुलुककै वर्चस्व देखिएको छ।</p>
<p>विश्व बैंकका अनुसार नेपालमा ३९ मुलुकबाट रेमिट्यान्स प्राप्त हुन् गरेकोमा खाडी मुलुकबाट सर्वाधिक रेमिट्यान्स भित्रने गरेको छ। </p>
<p>विश्व बैंकले चालु वर्ष सन् २०१९ मा नेपाल भित्रने रेमिट्यान्स आठ अर्ब ६४ करोड ३० लाख अमेरिकी डलर (नौ खर्ब ८५ अर्ब रूपैयाँ) पुगेको जनाएको छ।</p>
<p>सार्वजनिक तथ्यांकअनुसार सन् २०१९ मा नेपाल भित्रने रेमिट्यान्स यहाँको कूल ग्राहस्थ उत्पादन (जीडीपी) को २९ दशमलब ९ प्रतिशत हो। </p>
<p>बैंकका अनुसार सन् २०१८ मा नेपालमा आठ खर्ब ३१ करोड डलर रेमिट्यान्स भित्रिएको थियो। </p>
<p>रेमिट्यान्स प्रवाहका आधारमा कतार पहिलो नम्बरमा छ भने साउदी अरब दोस्रो र भारत तेस्रो स्थानमा छ।</p>
<p>बैंकका अनुसार सन् २०१८ मा कतारबाट दुई अर्ब २२ करोड ७० लाख अमेरिकी डलर, साउदी अरबबाट दुई अर्ब तीन करोड ९० लाख डलर र भारतबाट एक अर्ब ३३ करोड ७० लाख डलर रेमिट्यान्स भित्रिएको आजको कारोबार दैनिकमा समाचार छ। </p>
प्रतिक्रिया दिनुहोस्
.jpg)
