सर्लाहीमा मौरीले टोक्दा १ बालकको मृत्यु, ५ जना घाइते
<p>सर्लाही। वनमौरीको टोकाइबाट मलङ्गवा नगरपालिका-७ सानो मुसैलीमा एक बालककोे मृत्यु भएको छ। पाँचजना घाइते भएका छन्।</p>
<p>खेतमा काम गर्ने क्रममा ४ मंसीर साँझ वनमौरीले टोकेर रवीकुमार रायको तीन वर्षीय छोरा किसनकुमार रायको मृत्यु भएको जिल्ला प्रहरी कार्यालय सर्लाहीका डीएसपी प्रदिपसिंह राठौरले <em>देखापढी</em>लाई बताए।</p>
<p>मौरीको टोकाइबाट चिन्तादेवी राय र बालकका बाबु रविकुमार राय, स्थानीयवासी २४ वर्षीया अञ्जलीदेवी यादव, ४० वर्षीया देवबत्ती देवी र १८ वर्षीय रामध्यान महतो घाइते भएको स्थानीयवासी हरदास यादवले बताए।</p>
<p>घाइतेलाई उपचारका लागि गएराति मलङ्गवा अस्पताल पुर्‍याइएकोमा थप उपचार गर्न वीरगंज पठाइएको छ। </p>
प्रतिक्रिया दिनुहोस्
.jpg)
