जिपको ठक्करबाट कैलालीमा एक जनाको मृत्यु
<p>कैलाली। कैलालीको गोदावरी नगरपालिका-२ तेघरीमा जिपको ठक्करबाट एक पैदलयात्रीको मृत्यु भएको छ।</p>
<p>मृत्यु हुनेमा गोदावरी नगरपालिका-२ बस्ने ३४ वर्षीय देवराम टमटा छन्।</p>
<p>कञ्चनपुरको झलारीबाट डडेल्धुरातर्फ गइरहेको से १ ज ७३९ नम्बरको महिन्द्रा जिपले ठक्कर दिँदा घाइते भएका टमटाको उपचारका क्रममा सेती प्रादेशिक अस्पतालमा ४ मंसीरमा मृत्यु भएको जिल्ला प्रहरी कार्यालय, कैलालीले जनाएको छ।</p>
<p>टाउको र शरीरमा चोट लागेका टमटाको अत्तरियास्थित पद्मा अस्पतालमा सामान्य उपचारपछि थप उपचारका लागि सेती प्रादेशिक अस्पतालमा लागिएको थियो। </p>
<p>जिप र चालकलाई प्रहरीले नियन्त्रणमा लिएको छ। <em>रासस</em></p>
प्रतिक्रिया दिनुहोस्
.jpg)
