बुढीगण्डकीको मुआब्जा माग गर्दै पूर्वप्रम बाबुराम भट्टराई पनि धर्नामा
<p>काठमाडौं। राष्ट्रिय गौरवको बुढीगण्डकी जलविद्युत आयोजना अन्तर्गत अधिग्रहण गरिएको जग्गाको मुआब्जा वितरण छिटो टुंग्याउन माग गर्दै जिल्ला प्रशासन कार्यालयअघि धर्ना बसिएको छ। </p>
<p>धर्नामा पूर्वप्रधानमन्त्री एवं समाजवादी पार्टी संघीय परिषद् अध्यक्ष डा. बाबुराम भट्टराई, राष्ट्रिय सभाका सांसद सुरेन्द्रराज पाण्डे, गण्डकी प्रदेशका सांसदहरू प्रकाशचन्द्र दवाडी, धनमाया लामा गोरखाका स्थानीय तहका जनप्रतिनिधि र स्थानीयवासीहरू सहभागि भएका छन्।</p>
<p>पूर्वप्रधानमन्त्री भट्टराई सरकारलाई दवाब दिन र मुआब्जा नपाएर पीडित स्थानीयलाई हौसला दिन काठमाडौंबाट गोरखा पुगेका हुन्।</p>
<p>भट्टराई गोरखा -२ बाट निर्वाचित प्रतिनिधिसभा सांसदसमेत हुन्।</p>
<p>धर्नापछि ट्वीट गर्दै भट्टराईले भने, "यो महत्वपूर्ण राष्ट्रीय गौरवको परियोजनाका समस्या हल गर्न सरकारको तुरून्त ध्यान पुगोस्।"</p>
<p><img alt="" height="720" src="https://www.dekhapadhi.com/storage/photos/shares/gorkha bb.jpg" width="960" /></p>
<p>बुढीगण्डकी आयोजना क्षेत्रमा पर्ने आरुघाट, खहरे र आर्खेत गोरखा, र धादिङ बजार क्षेत्रका वासिन्दाको जग्गाको मुआब्जा अन्यौल भएपछि सांकेतिक रुपमा आज दुई घण्टा धर्ना दिइएको बुढीगण्डकी जलाशय योजना सरोकार समितिका संयोजक जगन्नाथ खनालले <em>देखापढी</em>लाई बताए। </p>
<p>“चार वर्षदेखि स्थानीयको जग्गा रोक्का गरेर राखिएको छ, मुआब्जा दिन त परको कुरा अहिलेसम्म घोषणासम्म गरिएको छैन व्यवसायीक कारोबारहरू ठप्प छ, हामी पीडित भएका छौं”, खनालले भने। </p>
<p>मुआब्जाको दवाबस्वरुप ६ मंसीरमा धादिङ र ९ मंसीरमा आयोजना कार्यालयमा धर्ना दिने त्यसबाट पनि निकास नभए थप संघर्षको कार्यक्रम घोषणा गर्ने उनले बताए। <br />
</p>
प्रतिक्रिया दिनुहोस्
.jpg)
