अफ्रिकी मुलुक बुर्किन फासाेमा प्रहरीद्वारा १८ जिहादी मारिए
<p>बुर्किन फासो। अफ्रिकी मुलुक बुर्किना फासोमा भएको प्रहरी कारबाहीमा परी कम्तीमा १८ जना जिहादी विद्रोही मारिएका छन्।</p>
<p>प्रहरी कार्यालयमा आक्रमण गर्ने प्रयास गरेका ‘आतङ्ककारीहरू’ मारिएका अधिकारीहरूले जनाएका छन्।</p>
<p>सुरक्षाकर्मीतर्फ भने एकजना प्रहरी मारिएका र अरू सात प्रहरी घाइते भएका प्रहरीले जारी गरेको वक्तव्यमा उल्लेख छ।</p>
<p>आक्रमणकारी जिहादीहरूले प्रयोग गरेका हातहतियार, मोटरसाइकल र जिपीएसलगायतका साधनहरू घटनास्लथबाट प्रहरीले नियन्त्रणमा लिएको छ।</p>
<p>सैन्य अधिकारीहरूका अनुसार गत हप्ता भएको दुई सुरक्षा कारबाहीमा परी अरु ३२ जनाको मृत्यु भएको थियो।</p>
<p>देशको खराब अवस्था, कमजोर सुरक्षा व्यवस्थालगायतका कारणले देशमा भइरहेको जिहादीहरूको हिंसा नियन्त्रण गर्न बुर्किन फासो असफल भएको छ।</p>
<p>हिंसात्मक गतिविधि गरिरहेको सो जिहादी समूह अलकायदा र इस्लामिक स्टेट (आइएस)सँग पनि नजिक रहेको बताइएको छ।</p>
<p>यिनीहरूले बुर्किन फासोसँगै माली नाइजरलगायतका देशहरूमा केही वर्षदेखि हिंसात्मक गतिविधि गर्दै आइरहेका छन्। <em>रासस/एएफपी</em></p>
प्रतिक्रिया दिनुहोस्
.jpg)
