सीमा विवाद हल गर्न सीमा निरीक्षण समिति बनाइने
<p>काठमाडौं। भारत र चीनसँगको सीमा विवाद हल गर्न सरकारले सीमा निरीक्षण समिति गठन गर्ने निर्णय गरेको छ।</p>
<p>सरकारका प्रवक्ता एवम् संचार तथा सूचना प्रविधिमन्त्री गोकुल बाँस्कोटाले सीमा विवाद हल गर्न ‘नेपाल–भारत’ तथा ‘नेपाल–चीन’ सीमा निरीक्षण समिति गठन गर्ने निर्णय गरिएको जानकारी दिए ।</p>
<p>आज मन्त्रिपरिषद् बैठकबारे जानकारी दिन आयोजित पत्रकार सम्मेलनमा उनले यस्तो बताएका हुन्।</p>
<p>यस्तै सरकारले कलंकी–थानकोट–नागढुंगा सुरुङ मार्ग निर्माण आयोजनाहरूको सुरुङ मार्गको फ्लाइओभरका लागि आवश्यक पर्ने ११ दशमलव ८ रोपनी जग्गा र ४७ वटा घरटहरा अधिग्रहण गर्न स्वीकृति पनि दिइएको बाँस्कोटाको भनाइ छ।</p>
<p>३ मंसीरमा बसेको मन्त्रिपरिषद् बैठकले सरकार र रुसी महासंघबीच आपत्कालीन पूर्वतयारी तथा प्रतिकार्यको क्षेत्रमा सहकार्यसम्बन्धी समझदारीपत्रमा हस्ताक्षर गर्न परराष्ट्र मन्त्रालयलाई स्वीकृति पनि दिएको छ।</p>
प्रतिक्रिया दिनुहोस्
.jpg)
