महिन्दा राजापाक्षले लिए प्रधानमन्त्रीकाे शपथ
<p>श्रीलंका। श्रीलंकाको प्रधानमन्त्रीका रूपमा महिन्दा राजापाक्षले आज शपथग्रहण गरेका छन्।</p>
<p>परिवर्तित राजनीतिक सन्दर्भमा देशको नेतृत्वका लागि मार्ग प्रशस्त गर्दै निवर्तमान प्रधानमन्त्री रनिल विक्रमासिङ्घेले हिजाे राजीनामा दिएका थिए।</p>
<p>हिजाे नै नवनिर्वाचित राष्ट्रपति गोतावाय राजापाक्षले भूतपूर्व राष्ट्रपतिसमेत भइसकेका आफ्नै दाजुलाई प्रधानमन्त्रीका लागि सिफारिस गरेका थिए।</p>
<p>श्रीलंकाको इतिहासमा दाजुभाइ नै देशको राष्ट्रपति र प्रधानमन्त्री बनेको यो पहिलो घटना हो।</p>
<p>नवनियुक्त प्रधानमन्त्रीले सन् २००५ देखि सन् २०१५ सम्म श्रीलंकाको शक्तिशाली राष्ट्रपतिका रूपमा काम गरेका थिए।</p>
<p>उनकै नेतृत्वमा श्रीलंकामा तीन दशक लामो गृहयुद्ध अन्त्य भएको थियो। <em>(रासस/एएनआई)</em></p>
प्रतिक्रिया दिनुहोस्
.jpg)
