द्वन्द्वकालका गम्भीर अपराधका घटनामा आममाफी दिन मिल्दैनः दाहाल
<p>काठमाडौं। नेपाल कम्युनिष्ट पार्टी (नेकपा) अध्यक्ष पुष्पकमल दाहालले द्वन्द्वकालका गम्भीर अपराधमा संलग्नलाई आममाफी दिन नसकिने बताएका छन्।</p>
<p>विस्तृत शान्ति सम्झौता भएको १३ वर्ष पूरा भएको अवसरमा आज काठमाडौंमा आयोजित कार्यक्रममा उनले अन्तर्राष्ट्रिय कानून, मानव अधिकारका दृष्टिले गम्भीर ठहर्‍याइएका घटनामा संलग्नहरूलाई माफी दिन नमिल्ने बताएका हुन्।</p>
<p>“समाजमा दिगो शान्ति स्थापना गर्न र पीडितलाई न्याय दिन पनि द्वन्द्वकालका गम्भीर अपराधका घटनामा आममाफी दिन मिल्दैन,” दाहालले भने।</p>
<p>यस्तै उनले सत्य निरूपण तथा मेलमिलाप आयोगमा पुराना पदाधिकारी नदोहोरिने बताएका छन्।</p>
<p>द्वन्द्वपीडितहरूको समस्या अब छिट्टै समाधान गर्ने आश्वासन पनि दिएका छन्।</p>
<p>उनले पीडितको चाहना र सरोकारवाला निकायको सुझावका आधारमा नयाँ पदाधिकारी ल्याउने पक्षमा उभिएको बताए।</p>
<p>अध्यक्ष दाहालले विगतमा गठन गरिएको सो आयोगका पदाधिकारीमाथि पीडित पक्षको विश्वास र भरोसा नभएकाले पनि पुराना पदाधिकारी दोहोर्‍याउन नमिल्ने अडानमा आफू रहेको पनि स्पष्ट पारे।</p>
प्रतिक्रिया दिनुहोस्
.jpg)
