काठमाडाैं विश्वविद्यालयबाट एक हजार ६ सय विद्यार्थी दीक्षित हुँदै
<p>काभ्रे। काभ्रेपलाञ्चोकको धुलिखेलस्थित काठमाडौं विश्वविद्यालयबाट उत्पादित चिकित्सा विधाका स्नातक र स्नातकोत्तर तहका एक हजार ६०४ विद्यार्थी भाेलि, ६ कात्तिकमा दीक्षित हुने भएका छन्।</p>
<p>काठमाडौं विश्वविद्यालयले आज विश्वविद्यालय परिसरमा पत्रकार सम्मेलन गरी २५औं दीक्षान्त समारोहबाट चिकित्सा विधा तथा अन्य विधामा स्नातक गरेका विद्यार्थी दीक्षित गर्न लागिएको जनाएको छ।</p>
<p>दीक्षित हुनेमा एमसीएच, डीएम, एमडी, एमएस, एमएस्सी र एमडीएसका १४८, एमबीबीएसका एक हजार ९८, बिडिएसका २१८, बीएस्सी इन नर्सिङका ११६ र बिपिटीका २४ विद्यार्थी रहेको विश्वविद्यालयका सूचना तथा सञ्चार प्रमुख डा. हेमराज काफ्लेले जानकारी दिए।</p>
<p>चिकित्सा विधाको माथिल्लो तहको एमसीएच उपाधि चारजनालाई प्रदान गरिने छ।</p>
<p>तीमध्ये विश्वविद्यालयबाट पहिलो पटक एकजनालाई ‘प्लाष्टिक एण्ड रिकन्स्ट्रक्टिभ सर्जरी’ विषयमा एमसीएच उपाधि प्रदान गरिने काफ्लेले बताए।</p>
<p>दीक्षित हुनेमध्ये भारत, भुटान, श्रीलङ्का, मालदिभ्स, अमेरिका र बेल्जियमका २४६ विद्यार्थीसमेत छन्। <em>रासस</em></p>
प्रतिक्रिया दिनुहोस्
.jpg)
