साग प्रतियोगितामा त्रुटिरहित सुरक्षा व्यवस्था मिलाउन गृहमन्त्रीकाे निर्देशन
<p>काठमाडाैं। गृहमन्त्री रामबहादुर थापाले दक्षिण एशियाली खेलकुद(साग) प्रतियोगिताको क्रममा त्रुटिरहित सुरक्षा व्यवस्था मिलाउन सुरक्षा निकायहरूलाई निर्देशन दिएका छन्। </p>
<p>गृह मन्त्रालयमा आज साग सुरक्षा कार्ययोजनाका सम्बन्धमा आयोजित बैठकमा गृहमन्त्री थापाले साग प्रतियोगिता मुलुकको प्रतिष्ठासँग जोडिएकाले कुनै कमजोरी नहुने गरी सुरक्षा योजना बनाउन निर्देशन दिएका हुन्। </p>
<p>बैठकमा सागका लागि तयार गरिएको सुरक्षा कार्ययोजना प्रस्तुत गरिएको थियो।</p>
<p>कार्ययोजनामा नेपाल प्रहरी, सशस्त्र प्रहरी, राष्ट्रिय अनुसन्धान विभागका सुरक्षाकर्मी परिचालनको खाका तयार पारिएको छ।</p>
<p>खेलस्थल, खेलाडीको आवासस्थल र खेलाडीको सुरक्षालाई केन्द्रमा राखेर कार्ययोजना तयार पारिएको छ।</p>
<p>गृहमन्त्री थापाले सुरक्षा कार्ययोजना राम्रो बनेको भन्दै यसलाई थप परिष्कृत गर्दै लैजान निर्देशन दिए।</p>
<p>बैठकमा गृहसचिव प्रेमकुमार राई, प्रहरी महानिरीक्षक सर्वेन्द्र खनाल, अनुसन्धान विभागका प्रमुख गणेश अधिकारी तथा नेपाली सेना र सशस्त्र प्रहरी बलका वरिष्ठ अधिकारी सहभागी थिए। </p>
<p>१५ मंसीरदेखि २४ मंसीरसम्म काठमाडौं, ललितपुर, कास्की र धनुषामा १३औं साग प्रतियोगिता सञ्चालन हुँदैछ। <em>रासस</em></p>
प्रतिक्रिया दिनुहोस्
.jpg)
