अबुधाबी टी-१० लिगः सन्दीपले लिए दुई विकेट
<p>काठमाडौं। दश/दश ओभरको अबुधाबी सुपर लिगको आजको खेलमा नेपाली लेग स्पिनर सन्दीप लामिछानेले महत्वपूर्ण दुई विकेट लिएका छन्।</p>
<p>क्वालान्डर्सविरुद्धको खेलमा टस हारेर पहिले फिल्डिङ रोजेको कर्नाटका टस्कर्सबाट खेलेका सन्दीपले दुई ओभर बलिङ गर्ने क्रममा ३० रन खर्चिए।</p>
<p>पहिलो ओभरमा महंगो सावित भएका सन्दीपले आफ्नो दोस्रो तथा अन्तिम ओभरका अन्तिम दुई बलमा लगातार दुई विकेट लिएका थिए।</p>
<p>उनले पहिलो विकेटका रूपमा २८ बलमा ८० रन बनाएका टम बान्टोनलाई एलबीडब्लु धरापमा पारे भने दोस्रो विकेटका रूपमा पहिलो बलको सामना गरिरहेका टम कोहलरलाई बोल्ड गरे। </p>
<p>लक्ष्य पछ्याउने क्रममा नवौं नम्बरमा व्याटिङ गर्न आएका सन्दीपले ७ बलमा पाँच रन बनाए।</p>
<p>तर, १० ओभरमा १३१ रनको लक्ष्य पछ्याएको सन्दीपको टिम भने ३२ रनले पराजित भयो।</p>
प्रतिक्रिया दिनुहोस्
.jpg)
