.jpg)
सागको ओलम्पिक टर्च परिक्रमा शुरू
<p>काठमाडौं। १३औं दक्षिण एशियाली खेलकुद प्रतियोगिता (साग)को ओलम्पिक टर्च र्‍याली आजदेखि शुरू भएको छ।</p>
<p>राष्ट्रिय खेलकुद परिषद् राखेपका सदस्यसचिव रमेशकुमार शिलवालबाट बिहान काठमाडौंको स्वयम्भूमा नेपाललाई पहिलो अन्तर्राष्ट्रिय पदक दिलाउने धावक जीतबहादुर केसीलाई ओलम्पिक टर्च हस्तान्तरण गरेर र्‍यालीको शुरुवात गरियो।</p>
<p>ओलम्पिक टर्च र्‍याली व्यवस्थापनको जिम्मेवारी पाएको नेपाल खेलाडी तथा प्रशिक्षक संघले टर्च सातै प्रदेशका प्रमुख सहरमा पुर्‍याउने भएको छ।</p>
<p>टर्च र्‍यालीमा तेक्वान्दोका दीपक विष्ट, एथलेटिक्सका बैकुण्ठ मानन्धर, पौडीकी नयना शाक्य, जुडोकी देवु थापा, करातेका दीपक श्रेष्ठ लगायत सहभागी छन्।</p>
<p>टर्च र्‍याली काठमाडौंबाट विराटनगर, जनकपुर, हेटौंडा, चितवन, बुटवल, सुर्खेत, नेपालगन्ज, धनगढी, पोखरा हुँदै सागको उद्घाटनका दिन १५ मंसीरमा काठमाडौंको दशरथ रंगशालामा पुगेर टुंगिनेछ।</p>
प्रतिक्रिया दिनुहोस्
.jpg)
