Others

गृहपृष्ठ

कङ्गोमा दादुराका कारण वर्षदिनमा ५ हजार मानिसको मृत्यु काठमाडौं। प्रजातान्त्रिक गणतन्त्र कङ्गोमा महामारीकै रुपमा फैलिएको दादुराका कारण यो वर्ष ५ हजार मानिसको मृत्यु भएको छ । सबै प्रान्तमा दादुराको महामारी फैलिएपछि सन् २०१९ मा झन्डै ५ हजार मानिसको मृत्यु भएको छ। यो वर्षमात्रै झन्डै साढे दुई लाख मानिस दादुराबाट सङ्क्रमित भएका छन्। विश्व स्वास्थ्य सङ्गठन डब्ल्यूएचओले कंगोको यो महामारीलाई संसारकै सबैभन्दा ठूलो र चाँडो फैलिरहेको महामारी भनेको छ। कङ्गोमा इबोलाका कारण पछिल्लो १५ महिनामा ज्यान गुमाउनेको भन्दा दादुराका कारण दुई गुणा बढी मानिसको मृत्यु भएको छ। कङ्गोमा कमजोर पूर्वाधार र आन्तरिक द्वन्द्वका कारण दादुरा सङ्क्रमण रोक्ने प्रयासमा असर परिरहेको छ। अहिलेसम्म ४० लाख बालबालिकालाई खोप लगाइसकिएको भएपनि अझै आधाभन्दा धेरै छुटेका छन्। दादुरा प्रभावित मध्ये अधिकांश शिशु छन्।