अदालतका श्रेस्तेदारविरुद्ध श्रीमतीले दिइन् वैवाहिक बलात्कारको जाहेरी
<p>कैलाली। कैलाली जिल्ला अदालतका श्रेस्तेदार भूवन गिरीविरुद्ध श्रीमतीले वैवाहिक बलात्कार र भ्रूण हत्याको आरोपमा प्रहरीमा जाहेरी दिएकी छन्।</p>
<p>जाहेरीकर्ता गिरीकी दोस्रो श्रीमती हुन्।</p>
<p>पहिलो पत्नी अंश लिएर अलग्गै बस्न थालेपछि डेढ वर्षअघि गिरीले नेपालगन्ज निवासी महिलासँग दोस्रो बिहे गरेका थिए।</p>
<p>उनले जाहेरीमा गिरीले आफूलाई आमा बन्ने अधिकारबाट वञ्चित गरेको आरोप लगाएकी छन्।</p>
<p>कुटपिटबाट दुईपटक बच्चा खेर गएको भन्दै उनले ५ मंसीरमा पतिविरुद्ध भ्रूण हत्या र वैवाहिक बलात्कारको आरोपमा जाहेरी दर्ता गराएकी हुन्।</p>
<p>जिल्ला प्रहरी कार्यकाल कैलालीले गिरीलाई पक्राउ गर्न जिल्ला अदालतबाट पक्राउ अनुमति लिइसकेको जनाएको छ।</p>
<p>जिल्ला प्रहरी कार्यालय कैलालीका प्रवक्ता प्रहरी नायव उपरीक्षक दक्ष बस्नेतले गिरी सम्पर्कमा नरहेको र उनको खोजी गरिरहेको बताए।</p>
प्रतिक्रिया दिनुहोस्
.jpg)
