Others

गृहपृष्ठ

अकुपाई टुँडिखेलमा कविहरू काठमाडौं। ‘अकुपाई टुँडिखेल’ अभियानअन्तर्गत तेस्रो शनिबार आज टुँडिखेलमा साहित्यिक कार्यक्रम गरिएको छ। दुई दर्जन कविहरूले टुँडिखेलस्थित गुरुमापाको रुखमुनि उभिएर टुँडिखेलबारे कविता सुनाए। कवि एवं समालोचक प्रा.डा रामप्रसाद ज्ञवालीले कविता वाचनको श्रृङ्खला शुरू गरेका थिए। कार्यक्रममा जनकवि दुर्गालाल श्रेष्ठद्वारा लिखित कविता कवि वीरप्रसाद भन्सालीले सुनाएका थिए। त्यस्तै कविहरू प्रभा भट्टराई, विद्या ताम्राकार, विष्णुकुमार सिञ्जाली, श्रवण मुकारुङ, निरज दाहाल, लेखमनी त्रिताल, रत्नराम श्रेष्ठ, स्नेह साय&zwj;्मि, अरुणा पन्त, विप्लव ढकाल, रुपा जोशी, असीम सागर, रसिक राज, अनु श्रेष्ठ, राजभाई जाकामी, सहयोग रञ्जितलगायत कविहरूले कविता सुनाएका थिए। अधिवक्ता सञ्जय अधिकारीले भने, “कुनै जनप्रतिनिधिलाई गाली गर्न ‘अकुपाई टुँडिखेल’को अभियान शुरू भएको होइन।” संविधानको धारा ४८ अनुसार सार्वजनिक सम्पत्तिको रक्षा गर्नुपर्ने प्रावधान छ। मालपोत ऐनमा पनि सार्वजनिक र सरकारी जग्गा छुट्याइएको छ। तर, सरकारले नै सार्वजनिक जग्गाहरू मिच्न थालेपछि जनस्तरबाट यी खाली जमिन बचाउनको लागि यो अभियान शुरु भएको अधिकारी बताउँछन्। भन्छन्, “जनप्रतिनिधिले दायित्व पूरा गर्ने कि नगर्ने?”