गीतमा ‘कालापानी हाम्रै हो, लिम्पियाधुरा हाम्रै हाे’
<p>काठमाडौं। भारतले आफ्नो पछिल्लाे राजनीतिक नक्शामा नेपालको भू–भाग समेटेसँगै शुरू भएकाे विराेध अझै जारी छ।</p>
<p>विराेधमा नयाँ-नयाँ शैली प्रयाेग भइरहेका छन्। त्यही क्रममा कालापानी, लिपुलेक र लिम्पियाधुरा क्षेत्र नेपाली भूमि भएकाे प्रष्ट्याउँदै एउटा गीत नै बनेकाे छ।</p>
<p>रामकुमार कार्कीले बजारमा ल्याएकाे गीतमा भनेका छन्, </p>
<p><em>बलभद्रका सन्तान हामी, अमरसिंहका नाति<br />
सहदैनौं अत्याचार भाको हामीमाथि<br />
उठाऔं अब पुर्खाले थन्क्याएका खुँडा<br />
वीर गोर्खाली झुक्ने छैन, टिक्ने छैन घुँडा<br />
लिपुलेक हाम्रै हो, कालापानी हाम्रै हो,<br />
लिम्पियाधुरा हाम्रै हो, नालापानी हाम्रै हो</em></p>
<p> </p>
<p>नेपाली भूमिमाथि भइरहेकाे अतिक्रमणले सबैलाई पिराेलेकाे उल्लेख गर्दै उनले गीतमा भनेका छन्,</p>
<p><em>कस्तो सीमा राखेउ हाम्ले दिनदिनै सर्ने,<br />
छिमेकीको तापले हामी कतिदिन मर्ने</em></p>
<p>मिचिएको सीमा फिर्ता गराउन नेपाली एकसाथ हुनुपर्ने सन्देश दिने गीतमा राजेन्द्रकुमार कार्कीको शब्द र रामकुमार पौडेलको लय सिर्जना छ।</p>
<p>गीतमा रामकुमार कार्की, रामकुमार पौडेल, राजेन्द्रकुमार कार्की, कमला खड्का र पूजा विश्वकर्मालगायतले स्वर दिएका छन्।</p>
<p><em>पूर्व टिष्टा हाम्रै हो, काँगडा नि हाम्रै हो<br />
टनकपुर नि हाम्रै हो, फिर्ता गरे राम्रै हो</em></p>
<p>गीतमार्फत् अतिक्रमित भू–भाग फिर्ता गर्न माग गरिएको छ। गीतमा अंग्रेजसँग बहादुरीका साथ लडेको समेत स्मरण गराइएको छ। </p>
<p>पौडेलले यो गीतमार्फत् मिचिएको सिमाना रक्षा गर्न एकजुट हुनुपर्ने सन्देश दिन खोजिएको बताएका छन्।</p>
<p><iframe frameborder="0" height="315" scrolling="no" src="https://www.youtube.com/embed/VIsqpOuBD3c" width="560"></iframe></p>
प्रतिक्रिया दिनुहोस्
.jpg)
