महफिलमा गुञ्जिए वासु र बिमला
<p>काठमाडौं। सर्वनाम थिएटरको प्रस्तुति गजल वाचन र गायनको शृङ्खला महफिलको यो पटकको अंकमा वासु पुष्पा अधिकारी र बिमला दाहाल उभिए।</p>
<p>हरेक दुई महीनामा हुने यो कार्यक्रम मधुवन साहित्य प्रतिष्ठान, साहित्य परिवार (नेपाल मेडिकल कलेज) र शब्दघर छापाखानाले संयुक्तरूपमा आयोजना गर्दै आएका छन्।</p>
<p>नेपाली गजलको श्रीवृद्धीमा योगदान पुर्‍याउने उद्देश्यले महफिल तीन वर्षदेखि नियमित सञ्चालन हुँदै आएको छ।</p>
<p>आजको शृङ्खला २०औं हो।</p>
<p>आज गजलकारद्वय अधिकारी र दाहाले १३/१३ वटा गजल वाचन गरेका थिए।</p>
<p>२१औं शृङ्खला आउँदो ४ माघमा हुनेछ।</p>
<p>२१औं शृङ्खलामा अमला अधिकारी र ईश्वर दाहालले गजल वाचन गर्नेछन्।</p>
<p>उनीहरू यसअघि पनि महफिलमा प्रस्तुत भइसकेका छन्।</p>
<p>दर्शक/स्रोताको मागका कारण यी दुईलाई दोहोर्‍याउन लागिएको महफिलका संयोजनकर्ता बाबु त्रिपाठीले जानकारी दिए।</p>
<p>मफहिल गजल वाचन र गायनको कार्यक्रम भए पनि यो पटक भने वाचन मात्र भएको थियो।</p>
<p>प्राविधिक समस्याका कारण यो पटक गायन समावेश गर्न नसकिएको त्रिपाठीले बताए।</p>
<p>कार्यक्रममा रूपेश श्रेष्ठको कविता सङ्ग्रह `घिन्ताङ घिसी ट्‍वाक´ र सुशीला पौडेलको उपन्यास `तृषा´को परिचर्चासमेत गरिएको थियो।</p>
प्रतिक्रिया दिनुहोस्
.jpg)
