प्रिमियर लिगमा चेल्सी र म्यानचेस्टर सिटी भिड्दै
<p>काठमाडाैं। इंग्लिस प्रिमियर लिगमा आज राति साविक विजेता म्यानचेस्टर सिटी र पूर्वविजेता चेल्सीबीच प्रतिस्पर्धा हुँदैछ।</p>
<p>लिगको अंक तालिकामा शीर्ष चारमा रहेका यी दुई टोलीबीचको खेललाई उपाधि भिडन्तका हिसाबले समेत महत्त्वपूर्ण मानिएको छ।</p>
<p>चेल्सीको १२ खेलबाट २६ अंक छ भने समान खेलबाट सिटीको २५ अंक छ।</p>
<p>२६ अंक नै भए पनि गोल अन्तरका आधारमा लेस्टर सिटी दोस्रोमा छ।</p>
<p>शीर्षस्थानमा रहेको लिभरपुलले समान खेलबाट ३४ अंक जोडेको छ।</p>
<p>करीब एकतिहाई खेल सकिँदा लिभरपुलले आठ अंकको स्पष्ट अग्रता लिए पनि धेरैले म्यानचेस्टर सिटी र चेल्सीलाई उपाधि होडबाट बाहिर राखेका छैनन्।</p>
<p>आज राति ११ः१५ मा सिटीको घरेलु मैदान इतिहाद स्टेडियममा हुने खेल दुवैका लागि निकै महत्त्वपूर्ण हुनेछ।</p>
<p>यो खेल हार्ने टोलीका लागि उपाधि दौड कठिन बन्नेछ।</p>
<p>इतिहाद स्टेडियमको खेल चेल्सीका प्रशिक्षक फ्रांक लाम्पार्डका लागि पनि अर्थपूर्ण हुनेछ।</p>
<p>यही सिजन चेल्सीको नेतृत्व सम्हालेका 'चेल्सी लिजेन्ड' लाम्पार्ड आफ्नो खेलाडी जीवनको अन्त्यतिर सिटीबाटै खेलेका थिए।</p>
प्रतिक्रिया दिनुहोस्
.jpg)
