सिरियामा भएकाे विष्फोटमा १० जनाको मृत्यु
<p>सिरिया। सिरियाली विद्रोहीको प्रभाव क्षेत्र राका प्रान्तमा भएको वम विष्फोटमा परी कम्तीमा १० जनाको मृत्यु भएको सिरियाली युद्ध अनुगमनकारी संस्थाले जनाएका छन्।</p>
<p>विष्फोटमा परी २५ जनाभन्दा बढी घाइते भएका बताइएको छ।</p>
<p>राकाको ग्रामीण इलाका ताल अब्याद टर्कीको सिमानामा रहेको टर्कीको सहयोगप्राप्त विद्रोहीको प्रभाव क्षेत्र हो।</p>
<p>सिरियाली मानवअधिकार अनुगमन संस्थाका अनुसार घटनामा कम्तीमा पाँचजना सर्वसाधारण परेका र पाँच विद्रोही रहेको बताइएको छ।</p>
<p>उक्त घटनामा २२ जना सख्त घाइते भएका छन् भने केहीलाई सामान्य चोट लागेको बताइएको छ।</p>
<p>घाइतेमध्ये केही व्यक्तिको स्वास्थ्य अवस्था गम्भीर रहेकोले मृतकको सङ्ख्या थप वृद्धि हुनसक्ने बेलायतस्थित उक्त संस्थाले जनाएको छ।</p>
<p>गत महिना टर्कीले आफ्नो सीमा क्षेत्रमा रहेका कुर्दिस नियन्त्रित क्षेत्रमा आक्रमण गरेपछि उनीहरू (विद्रोही लडाकू) तेल अब्यादमा प्रवेश गरेका थिए। <em>(रासस/सिन्ह्वा)</em></p>
प्रतिक्रिया दिनुहोस्
.jpg)
