आलममाथि अब्बल अनुसन्धान गर्ने अफिसर
<p>काठमाडौं । रौतहटमा करिब १२ बर्षअघि भएको सामूहिक हत्याकाण्डका मुख्य अभियुक्त मोहम्मद अफताव आलमलाई जिल्ला अदालतले पुर्पक्षका लागि थुनामा पठाएको छ। </p>
<p>सत्ता र शक्तिको आडमा झण्डै १२ बर्षसम्म दबाएर राखिएको रौतहटको यो विभत्स हत्याकाण्डको फाइल एसपी भूपेन्द्र खत्री रौतहटको प्रहरी प्रमुख भएर गएपछि नै खुलेको थियो।</p>
<p>सर्वोच्च अदालतको पछिल्लो आदेशले यसलाई गति दिए पनि खत्रीले त्यसअघि नै हत्याकाण्डको अनुसन्धान अघि बढाइसकेका थिए ।</p>
<p>पुराना फाइल खोतलेपछि उनले सर्वोच्चको आदेश आउनुभन्दा एक महिना पहिले नै प्रहरी निरीक्षक पप्पु नायकलाई यो हत्याकाण्डको अनुसन्धान अधिकृत तोकेका थिए। </p>
<p>अनुसन्धान शुरु गरेको करीब ६ महिनापछि मात्र रौतहट प्रहरीले आलमलाई पक्राउ गरेको थियो । पक्राउ परेपछि आलमले हत्याकाण्ड ढाकछोप गर्ने अनेक प्रपञ्च गरे ।</p>
<p>पीडितलाई प्रलोभनमा पार्ने, धम्क्याउने र अपहरण गराउनेदेखि साक्षीलाई बयान फेर्न लगाउनेसम्मका हर्कत गरे ।</p>
<p>तर, रौतहट प्रहरीले त्यसमा अविचलित भएर काम गर्यो । एसपी खत्रीको नेतृत्वमा भएको चुस्त अनुसन्धानले नै आलमलाई १२ बर्षपछि जेल पठायो। </p>
<p>आज प्रकाशित साप्ताहिक <strong><em>हिमाल खबरपत्रिका</em></strong>ले रौतहट प्रहरीले गरेको यही अनुसन्धानलाई आफ्नो आवरण रिपोर्ट बनाएको छ। </p>
<p><img alt="" height="770" src="https://www.dekhapadhi.com/storage/photos/shares/himal bhupendra.jpg" width="535" /></p>
<p>‘अब्बल अनुसन्धान’ शीर्षक दिएर <strong><em>हिमाल</em></strong>ले आफ्नो आवरण रिपोर्टमा लेखेको छ, ‘सत्ता र शक्तिको आडमा जघन्य अपराधलाई १२ बर्षसम्म दबाउन सफल मोहम्मद अफताव आलमको जेलयात्रासँगै प्रहरी संगठन अनुसन्धानमा अझैं अब्बल रहेको सन्देश दिन सफल भए, एसपी भूपेन्द्र खत्री ।’</p>
<p>पछिल्लो समय अपराधको केन्द्रका रुपमा विकास हुँदै गएको रौतहटमा भएका अरु जघन्य अपराधलाई समेत <strong><em>हिमाल</em></strong>ले उठाएको छ। लेखेको छ, ‘खत्रीसामु अब जिल्लाका अन्य जघन्य अपराध अनुसन्धान अघि बढाउने जिम्मेवारी पनि थपिएको छ ।’ </p>
<p>पढ्नुहोस्ः</p>
<p><a href="https://dekhapadhi.com/news/2471" target="_blank">‘१२ वर्षपछि खोलो फर्काउने’ रौतहट प्रहरीको त्यो अनुसन्धान (भिडिओसहित)</a><br />
</p>
प्रतिक्रिया दिनुहोस्
.jpg)
