दाङमा ब्राउन सुगरसहित ८ जना पक्राउ
<p>काठमाडौं। दाङमा लागुऔषध ब्राउन सुगरसहित छुट्टाछुट्टै ठाउँबाट आठ जना पक्राउ परेका छन्। </p>
<p>दाङ घोराही उपमहानगरपालिका-१४ बसपार्क नजिकै ७ मंसीर राति ११:३० बजे ब्राउन सुगरको कारोबार गरिरहेका घोराही-१३ बस्ने विशाल पुन मगर, विशालसिंह नेपाली, महेश वली, आलोक डाँगी र प्रवीण वलीलाई पक्राउ गरिएको हो। </p>
<p>उनीहरूबाट १० ग्राम ब्राउन सुगर बरामद गरिएको दाङ प्रहरी प्रवक्ता विनोद विक्रम शाहले बताए।</p>
<p>त्यस्तै ७ मंसीर साँझ घोराहीकै बाह्रकुने दह नजिकैबाट रुकुमपश्चिम बाफेकोट गाउँपालिका- ७ का ३३ वर्षीय शेरबहादुर खत्री, रुकुमपूर्व भुमे स्वायत्त गाउँपालिका-१ का २८ वर्षीय तपजित घर्तिमगर र दाङ घोराही उपमहानगरपालिका-१३ का २६ वर्षीय अविनाश थापालाई पक्राउ गरिएको छ।</p>
<p>उनीहरूबाट प्रहरीले ३० ग्राम २३० मिलिग्राम ब्राउन सुगर बरामद गरेको छ।</p>
<p>पक्राउ परेका आठ जनाविरुद्ध लागु औषध (नियन्त्रण) ऐन बमोजिम मुद्दा दर्ता गरी अनुसन्धान शुरू गरिएको छ।</p>
प्रतिक्रिया दिनुहोस्
.jpg)
