क्याथी प्यासिफिकद्वारा ८ हजार ५०० रोजगारी कटौती
<p>हङकङ। हङकङकाे विमान कम्पनी क्याथी प्यासिफिक एयरवेजले आठ हजार ५०० रोजगारी कटौती गर्न लागिएको जनाएको छ।</p>
<p>कोरोनाभाइरसको महामारीका कारण विमान सेवा सञ्चालन गर्न नसकिएकाले कर्मचारीहरुलाई राखिरहन पनि नसकिने भएकाले कटौती गर्न लागिएको कम्पनीका अधिकारीहरुले जानकारी दिएका छन्।</p>
<p>रोजगारीबाट हटाउन लागिएका कर्मचारीहरुमध्ये पाँच हजार ३०० जना हङ्कङमै रहेर काम गर्नेहरु परेका छन्। त्यसबाहेक अरु ६०० जना अन्य ठाउँमा रहेका कर्मचारीहरुलाई कटौती गर्न लागिएको कम्पनीको भनाइ छ। अरु दुई हजार ६०० पद भने पहिलेदेखि नै खाली रहेको थियो।</p>
<p>कम्पनीको कूल रोजगारीको २४ प्रतिशत रोजगारी कटौती भएको कम्पनीद्वारा जारी वक्तव्यमा उल्लेख गरिएको छ। <em>रासस/एपी </em></p>
प्रतिक्रिया दिनुहोस्
.jpg)
