सीमा बचाउन संयुक्त सांस्कृतिक अभियान
<p>काठमाडौं। भारतले जारी गरेको नयाँ राजनीतिक नक्शामा नेपालको लिम्पियाधुरा, लिपुलेक, कालापानी क्षेत्र समावेश गरिएको छ।</p>
<p>सोही विषयलाई लिएर विभिन्न सांस्कृतिक संगठनले ‘सीमा बचाऔं संयुक्त सांस्कृतिक अभियान’ सञ्चालन गर्दैछन्।</p>
<p>९ मंसीरमा संगठनहरूले भारतीय दूतावासमार्फत् भारत सरकारलाई विरोधपत्र हस्तान्तरण गर्न लागिएको आज आयोजित पत्रकार सम्मेलनमा जानकारी दिइयो।</p>
<p>त्यस्तै नेपाल सरकार, विभिन्न राजनीतिक दलहरूलाई सीमा समस्या समाधानका लागि दबाबमूलक ज्ञापनपत्र दिने समेत कार्यक्रम छ।</p>
<p>यो अभियानमा नेपाल सांस्कृतिक संघ, जनसांस्कृतिक महासंघ नेपाल, रक्तिम सांस्कृतिक अभियान, समाजवादी सांस्कृतिक महासंघलगायत कलाकार एवं स्रष्टाहरूको सहभागिता रहनेछ।</p>
<p>जनसांस्कृतिक महासंघ अध्यक्ष खगेन्द्र राईले अहिले दुईतिहाइको सरकार भएका बेलामा सीमा विवाद समाधान गर्न सजिलो हुन सक्ने उल्लेख गरे।</p>
<p>नेपाल सांस्कृतिक संघ अध्यक्ष तीर्थबहादुर थापाका अनुसार यस अभियानअन्तर्गत, कविता वाचन, नाटक मञ्चन, गीत, गजलका कार्यक्रमहरू हुनेछन्।</p>
<p>यी कार्यक्रमले जनतालाई लिपुलेक, लिम्पियाधुराबारे थप जानकार बनाउने उनले दाबी गरे।</p>
<p> </p>
प्रतिक्रिया दिनुहोस्
.jpg)
