‘लोक दोहोरी प्रतिष्ठान’ निर्वाचनः को-को निर्विरोध निर्वाचित भए?
<p>काठमाडौं। अबको केही समयमा राष्ट्रिय लोक तथा दोहरी गीत प्रतिष्ठान नेपालले नयाँ नेतृत्व पाउँदैछ। पोखरामा जारी सातौं महाधिवेशनबाट नयाँ नेतृत्व चयन गर्न लागिएको हो।</p>
<p>नयाँ कार्य समितिको लागि मतदान सम्पन्न भइसकेको छ। मतगणना जारी छ। </p>
<p>केही पदका लागि भने निर्विरोध चयन भएका छन्। जसमा वरिष्ठ उपाध्यक्षदेखि सह–कोषाध्यक्षसम्म छन्। वरिष्ठ उपाध्यक्षको लागि गायिका रीता थापामगर निर्विरोध चुनिएकी छिन्।</p>
<p>प्रथम उपाध्यक्षमा गायक पशुपति शर्मा, द्वितिय उपाध्यक्षमा रामजी खाँड निर्विरोध निर्वाचित भए। महिला उपाध्यक्षमा गायिका राधिका हमाल पुन पुनः निर्विरोध भएकी छिन्।</p>
<p>प्रतिष्ठानको नयाँ महासचिवमा सुवास केसी, उप–सचिवमा शंकर वीसी र शिव हमाल निर्वाचित भएका छन्। सांगठनिक सचिवतर्फ खुमन अधिकारी निर्विरोध चयन भएका छन्। महिला सचिवमा जमुना राना मगर निर्विरोध निर्वाचित भएकी छन्। </p>
<p>सह–कोषाध्यक्षमा पूर्णकला बीसी चयन भएकी छन्। सह–कोषाध्यक्षमा उनको मात्र उम्मेदवारी परेपछि निर्विरोध निर्वाचित भएकी हुन्। </p>
<p>अध्यक्ष पदका लागि रमेश विजी र विष्णु खत्री चुनावी मैदानमा छन्। एक हजार दुई सय भन्दा बढी मतदाताले मतदान गरेको निर्वाचन समितिले जनाएको छ। मतदानको अन्तिम नतिजा आज रातिसम्म आइसक्ने पोखराबाट गायक नविनसिंह धामीले <em>देखापढी</em>लाई बताए। <br />
</p>
प्रतिक्रिया दिनुहोस्
.jpg)
