नेपाली सेनाले सैनिक विज्ञान तथा प्रविधि प्रतियोगिता गर्ने
<p>काठमाडौं। नेपाली सेनाले दोस्रो सैनिक विज्ञान तथा प्रविधि प्रतियोगिताको आयोजना गर्दैछ।</p>
<p>२०७० मा पहिलो प्रतिस्पर्धा आयोजना गरेको सेनाले दोस्रो प्रतिस्पर्धा १९–२० वैशाख २०७७ मा गर्ने भएको हो।</p>
<p>प्रतियोगितामा प्रतिरक्षा, वातावरण तथा संरक्षण, आन्तरिक सुरक्षा, प्रकोपका बेला आवश्यक पर्ने प्रविधिलगायतका विषयहरू समावेश गरिनेछ।</p>
<p>प्रतियोगितामा सहभागिता जनाउन चाहने व्यक्ति, संस्थाले ८ पुससम्म नेपाली सेनाको वेबसाइटमा गएर अनलाइन फारम भर्न सक्नेछन्।</p>
<p>यस प्रतियोगितामा सहभागीहरूलाई चारवटा समूह (कक्षा १२ सम्मका विद्यार्थीहरू, स्नातकस्तरका विद्यार्थीहरू, व्यावसायिक व्यक्ति तथा संस्थाहरू र नेपाली सेना)मा विभाजन गरिनेछ।</p>
<p>प्रतियोगितामा सहभागी व्यावसायिक व्यक्ति तथा संस्थाहरूमध्येबाट प्रथम, द्वितीय र तृतीय हुनेलाई क्रमशः तीन लाख, एक लाख ५० हजार र ७५ हजार रूपैयाँ नगद पुरस्कार प्रदान गरिने सेनाले जनाएको छ।</p>
<p>स्नातकस्तरका विद्यार्थीमध्येबाट प्रथम, द्वितीय र तृतीय हुनेलाई क्रमशः दुई लाख, एक लाख र ५० हजार रूपैयाँ पुरस्कार दिइनेछ।</p>
<p>यस्तै कक्षा १२ सम्मका विद्यार्थीहरूमध्येबाट प्रथम, द्वितीय र तृतीय हुनेलाई क्रमशः एक लाख ५० हजार,७५ हजार र २५ हजार पुरस्कार प्रदान गरिनेछ।</p>
<p>नेपाली सेनाबाट भाग लिने प्रतिस्पर्धीहरूमध्ये प्रथम, द्वितीय र तृतीय हुनेलाई क्रमशः एक लाख, ७५ हजार र ५० हजार रूपैयाँ पुरस्कार प्रदान गरिने सेनाको भनाइ छ।</p>
प्रतिक्रिया दिनुहोस्
.jpg)
