सीमा बचाऊ अभियानले सार्वजनिक गर्यो नेपालको नयाँ नक्शा
<p>काठमाडौं। सीमा बचाऊ अभियानले लिम्पियाधुरा, लिपुलेक र कालापानी समेटिएको नेपालको नक्शा सार्वजनिक गरेको छ। </p>
<p>आइतबार काठमाडौंमा पत्रकार सम्मेलन गर्दै अभियानको नक्शा समितिले नेपालको राजनीतिक नक्शा तयार गरी सार्वजनिक गरेको हो। </p>
<p>अभियानले सार्वजनिक गरेको नक्शा डिजीटल एलिभेसन मोडेलबाट रेखांकन गरेको बताएको छ।</p>
<p>नक्शामा काली नदीको मुहानबारे र लिम्पियाधुरालाई पश्चिमी नेपालको सीमा मानेर तयार पारिएकाले यसलाई अन्तर्राष्ट्रियकरण गरिने बताइएको छ। </p>
<p>कार्यक्रममा नागरिक अगुवा तथा सीमा बचाऊ अभियानका संयोजक भैरव रिसालले नेपालको नक्शाबारे घर घरमा चर्चा हुनुपर्ने बताए।</p>
<p>अभियन्ता रिसालले सार्वजनिक गरिएको नक्शा सुगौली सन्धी अनुसारको भएको बताए।<br />
</p>
प्रतिक्रिया दिनुहोस्
.jpg)
