बैंक अफ काठमाण्डूका पूर्वसिइओ श्रेष्ठलाई एक करोड धरौटीमा रिहा गर्न आदेश
<p>काठमाडौं। बैंकिङ कसूरमा पक्राउ परेका बैंक अफ काठमाण्डूका पूर्वप्रमुख कार्यकारी अधिकृत (सिइओ) अजय श्रेष्ठलाई धरौटीमा रिहा गर्न सर्वाच्च अदालतले आदेश दिएको छ।</p>
<p>उनीसँगै पक्राउ परेका बैंकका कर्मचारी किरणकुमार बोहोरालाई पनि धरौटीमा छाड्न सर्वाेच्चले आदेश दिएको छ। </p>
<p>उनीहरू दुवैजनासँग एक/एक करोड रूपैयाँ धराैटी माग्ने आदेश भएको सर्वाेच्च अदालतका सञ्चारविज्ञ किशोर पाैडेलले <em>देखापढी</em>लाई जानकारी दिए।</p>
<p>न्यायाधीशद्वय सपना प्रधान मल्ल र कुमार रेग्मीको संयुक्त इजलासले आज उनीहरूलाई धरौटीमा छाड्न आदेश दिएको हो।</p>
<p>उनीहरूलाई ५ असोजमा केन्द्रीय अनुसन्धान ब्यूरोको टोलीले पक्राउ गरेको थियो।</p>
<p>बैंक अफ काठमाण्डूको सिइओ हुँदा श्रेष्ठले नक्कली फाइलमा हस्ताक्षर गरेर ऋण दिएको आरोपमा उच्च अदालत पाटनले पूर्वपक्षमा थुनामा पठाउने आदेश दिएको थियो। </p>
<p>उच्चको निर्णय चित्त नबुझेपछि उनीहरू सर्वाेच्च पुगेका थिए। </p>
प्रतिक्रिया दिनुहोस्
.jpg)
