कंगाेमा विमान दुर्घटना, २३ को मृत्यु
<p>कंगाे। आज कंगोमा भएको विमान दुर्घटनामा कम्तीमा २३ जनाको मृत्यु भएको उद्धारकर्मीहरूले जनाएका छन्।</p>
<p>विमानले धावन मार्गबाट उडान भरेको केही समयभित्रमा नै विमानमा प्राविधिक समस्या आएर प्रजातान्त्रिक गणतन्त्र कंगाेको घना वस्तीमा खसेको थियो।</p>
<p>दुर्घटनाग्रस्त विमान कम्पनी ‘बिजी बी’का हेरिटिएर सैयद मोमादाउले विमानमा दुई चालक दलका सदस्यसहित १९ जना रहेको बताए। </p>
<p>उनीहरूलाई जीवित भेट्ने सम्भावना निकै कम भएको उद्धारका कार्यका लागि घटनास्थलमा तैनाथ सुरक्षाकर्मीले बताए।</p>
<p>“अहिलेसम्म २३ जनाको मृत शरीर घटनास्थलबाट निकालिएको छ,” गोमास्थित उद्धार टोली संयोजक जोसेफ माकुन्दीले बताए।</p>
<p>गोमा विमानस्थलका अधिकारी रिचार्ड मङ्गोलोपाले एएफपीसँगको कुराकानीमा दुर्घटनामा कुनै पनि यात्रु जीवित उद्धार गर्ने सम्भावना क्षीण रहेको बताए।</p>
<p>गोमाबाट उत्तरी क्षेत्रमा रहेको बेनीका लागि बिहान करीब ९ बजे उडेको ‘डोर्नियर–२२८’ विमानस्थलबाट ३५० किलोमिटर टाढा आवास क्षेत्रमा खसेको कंगोका अधिकारीहरूले पुष्टि गरेका छन्।</p>
<p>बिजी बीका तीन विमानले उत्तरी किभू प्रान्तका विभिन्न रूटमा सेवा दिँदै आएको थियो।</p>
<p>विमान कम्पनीका एक प्राविधिकले प्राविधिक समस्याका कारण विमान दुर्घटनाग्रस्त भएको बताएका छन्।</p>
<p>विमान वस्तीमा खसेको तर, त्यहाँ कतिको मृत्यु भएको वा घाइते भएको भन्ने जानकारी आइसकेको छैन। <em>(रासस/एएफपी)</em></p>
<p> </p>
प्रतिक्रिया दिनुहोस्
.jpg)
