त्रिचन्द्र क्याम्पस प्रमुख कुटिए, दुई विद्यार्थी पक्राउ
<p>काठमाडौं। काठमाडौंस्थित त्रिचन्द्र क्याम्पस प्रमुख प्रदीपबहादुर न्यौपानेमाथि विद्यार्थीको एक समूहले कुटपिट गरेको छ। </p>
<p>शुल्कवृद्धि भएको विषयमा केही दिनदेखि विद्यार्थीहरू आन्दोलित थिए। आज बिहान क्याम्पस प्रवेश गर्ने क्रममा क्याम्पस प्रमुखमाथि कुटपिट भएको हो।</p>
<p>महानगरीय प्रहरी परिसर, काठमाडौंका प्रवक्ता डीएसपी होविन्द्र बोगटीले क्याम्पस प्रमुखको हातमा चोट लागेपछि उनलाई उद्दार गरेर उपचारका लागि वीर अस्पताल लगिएको बताए। </p>
<p>प्रहरीले कुटपिटमा संलग्न भएको आशंकमा दुईजना विद्यार्थीलाई नियन्त्रणमा लिएको छ। </p>
<p>त्रिचन्द्र क्याम्पसमा विज्ञान संकायको शुल्क वृद्धि फिर्ताको माग राखेर विद्यार्थीहरू आन्दोलनरत् छन्। <br />
</p>
प्रतिक्रिया दिनुहोस्
.jpg)
