Others

गृहपृष्ठ

चीन-तिब्बत व्यापार मेला शुरू काठमाडौं। काठमाडौंको त्रिपुरेस्वरस्थित वल्र्ड ट्रेड सेन्टरमा आजदेखि ‘चीन–तिब्बत व्यापार मेला’ शुरू भएको छ।  नेपाल र चीनका उत्पादनहरूको प्रदर्शनी गर्ने तथा बजारको खोजी गर्ने उद्देश्यसहित नेपाल–चीन उद्योग वाणिज्य संघ र तिब्बत बोर्डर ट्रेड चेम्बरले संयुक्त रूपमा मेलाको आयोजना गरेका हुन्। मेलालाई सम्बोधन गर्दै उद्योग वाणिज्य तथा आपूर्ति सचिव वैकुण्ठ अर्यालले नेपालको व्यापार घाटा बढ्दै गएको र चीनसँग पनि ठूलो मात्रामा व्यापार घाटा रहेको बताए। उनले नेपाल र चीनमा संयुक्त रूपमा गरिने व्यापार मेलाले नेपालका उत्पादनको प्रवर्द्धन गर्न सहयोग पुर्&zwj;याउने बताए। सचिव अर्यालले मेलाले बढ्दै गएको नेपालको व्यापार घाटालाई कम गर्न समेत सहयोग पुर्&zwj;याउने विश्वास व्यक्त गरे। मेलामा नेपाल र चीनको स्वशासित क्षेत्र तिब्बतका व्यवसायीहरूको सहभागिता रहेको छ। मेलामार्फत् दुई देशका उत्पादनहरूको प्रवर्द्धनमा सहयोग पुग्ने आयोजकले विश्वास गरेको छ। मेला चार दिनसम्म चल्ने छ।