भृकुटीमण्डपमा हस्तकला प्रतियोगिता हुने
<p>काठमाडौं। काठमाडौंको भृकुटीमण्डपमा १२–१६ मंसीरमा १७औं हस्तकला व्यापार मेला तथा १५औं हस्तकला प्रतियोगिता हुने भएको छ।</p>
<p>नेपाली हस्तकलाको बजार प्रवर्द्धन गर्ने उद्देश्यले मेला आयोजना गर्न लागिएको आयोजक नेपाल हस्तकला महासंघले जनाएको छ।</p>
<p>महासंघका निवर्तमान अध्यक्ष तथा मेला संयोजक धर्मराज शाक्यले मेलामा धातुकला, सुनचाँदी, सुती तथा ढाकाका सामान, पश्मिना, छालाजन्य उत्पादन, प्राकृतिक रेसा र बाँसबाट बनेका सामग्रीहरू राखिने बताए।</p>
<p>मेलामा विदेशी व्यवसायीहरूको समेत सहभागिता रहनेछ।</p>
<p>यसले नेपाली उद्यमीहरूलाई व्यावसायिक सम्बन्ध स्थापनामा सहयोग पुग्ने आयोजकले जनाएको छ।</p>
<p>मेलामा आठवटा प्याविलियनसहित करीब दुई सय स्टल रहनेछन्।</p>
<p>त्यस्तै भारत, श्रीलंका, बंगलादेशलगायत मुलुकका व्यापारीहरूको पनि करीब २० वटा स्टल रहनेछ।</p>
<p>मेलामा हस्तकला कलाकार तथा कालीगढहरूबीच प्रतिस्पर्धा गराई उत्कृष्ट हुनेलाई पुरस्कृतसमेत गरिने महासंघले जनाएको छ।</p>
प्रतिक्रिया दिनुहोस्
.jpg)
